Молитва святителю Николаю, архиепископу Мирликийскому, чудотворцу о защите от порчи
О, всеблагий отче Николае, пастырю и учителю всех, верою притекающих к твоему заступлению и теплою молитвою тебе призывающих! Скоро потщися и избави Христово стадо от волков губящих е; и всяку страну христианскую огради и сохрани святыми твоими молитвами от мирскаго мятежа, труса, нашествия иноплеменных и междоусобныя брани; от глада, потопа, огня, меча и внезапныя смерти. И якоже помиловал еси триех мужей, в темнице седящих и от смерти осужденных, тако помилуй и мене, умом, словом и делом во тьме греховней седяща и от гнева Божия осужденна. Избави мя, угодниче Христов, от бед и скорбей, находящих на мя, и умоли Господа Бога нашего, да дарует ми, грешному и унылому, жизнь тихую и безмятежную, здравие душевное и телесное; да оградит мя от всех враг видимых и невидимых, и управит ум мой в путь истинный, и укрепит силою Своею свыше, да не лишуся блага вечнаго и сподоблюся со всеми святыми славити единое Божие имя Отца и Сына и Святаго Духа во веки веков. Аминь.